මහ ගෙදර

කොළඹ උනත්, තට්ටු ගානක් උඩ උනත්, අපේ ඔෆිස් එකේ කොනක තියෙනව පොඩි පොඩි මල් පැළ ටිකක්. අපේ තට්ටුවෙ කෙලවරක කොන්ක්‍රීට් තහඩුවෙ යන්තමට රැඳුනු පස් තට්ටුවක් උඩ පොඩි බොගන්විලා පැළයකුත් තිබුනා. දවසක්දා වීදුරුවෙන් එලිය බලද්දි, බොගන්විලා අත්තකට හිරවෙල පොඩි කුරුලු කුඩුවක් තියෙන බව අපිට පෙනුනා. කුඩුවෙ පුංචි කිරිල්ලියෙකුත්  ඉන්නව, කිරිල්ලි නිතරම කුඩුවෙ ඉන්න නිසා අපි හිතුවෙ බිත්තර දාල ඇති කියල. හිතුව වගෙම පුංචි බිත්තර දෙකක්ම තියෙනව.

අපිත් පුරුදු විදියට වැඩට එනව..යනව..කිරිල්ලිත් බිත්තර රකිනව..ඔහොම ටික දවසක් යද්දි කිරිල්ලි කුඩුවෙන් ටිකක් ඈතට ගිහින් කෑම ගෙනව…ටිකක් ලං වෙලා බලද්දි පුංචි කුරුළු පැටව් දෙන්නෙක් ඉන්නව.

කට ඇරගෙන අම්ම ගේන කෑම වලට රන්ඩුව, අම්මත් පැටව් දෙන්නට කෑම කවන්න දවසපුරාම මහන්සි වෙනව. ඔහොම දවස් ගානක්ම ගෙවිල ගියා. කුරුළු අම්ම පැටවුන්ට කෑම  කවනව, අපිත් ඒ දිහා බලගෙන ඉන්නව.

සතියක් ඉවර වෙලා අපි සති අන්තය ගෙදර අයත් එක්ක සතුටින් ඉඳල, වැඩට අවා… අනේ කුරුළු කූඩුව පාළු වෙලා. කුරුළු පැටව් පියාඹල ගිහින්…..හිස්ම හිස් කුඩුව දෙක්කම දුක හිතෙනව, මහ පාළුවක් දැනනව.. අපිට මෙච්චර පාළු දැනෙනව නං කිරිල්ලිට කොච්චර පාළු ඇතිද?
මට අපේ ගෙදර මතක් උනා අපේ අම්මලත් ඔය කිරිල්ලි වගේම අපිට කවන්න පොවන්න මහන්සිවෙන්න ඇති…අපිට පියාඹන්න කියල දෙන්න ඇති. දැන් පාළුවෙන් කුඩුවට වෙලා බලාගෙන ඇති, අපි ගෙදර එනකල්…

පුංචි කුරුළු පැටව් දෙන්නත් අම්ම බලන්න අයෙ එයිද…..නිවඩු ලැබුනම?

Advertisements

One response to “මහ ගෙදර

  1. Touching story…..

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s