Category Archives: Life

කඳුළු

Image result for tear drop

කඳුළු වලට පුලුවන්නම්
ගංගා වෙන් එතෙර වෙන්න
එහෙනම් නෑ මහන්සියක්
තනි ඔරුවක් හදාගන්න

කඳුළු වලට පුලුවන්නම්
මේ බර පොදි බිම තියන්න
ආයෙත් දවසක පුලුවන්
සැහැල්ලුවෙන් ඉගිල්ලෙන්න

කඳුළු වලට පුලුවන්නම්
මගෙ හිත සුවපත් කරන්න
එහෙනම් දැන් බොහෝ කලක්
සංසාරෙන් එතෙර වෙන්න

ඒත් කඳුළකට පුලුවන්
නුඹෙ ඇස් මා වෙත යොමන්න
එදාට නුඹටත් පුලුවන්
මගේ කඳුළු බෙදාගන්න

නැත්නම් නුඹටත් පුලුවන්
මගේ කඳුළට හිනා වෙන්න…..

Advertisements

කනිපින්දම් අහන්න එන්න

නිශ්ශබ්දම නිශ්ශබ්ද තැනක ඉඳල තියෙනවද? හුස්ම ගන්න සද්දෙත් ඇහෙන වගේ තැනක. Keyboard එකේ key එකක් press කරන සද්දෙ, උදැල්ලකින් පොළව කොටනව වගේ ඇහෙන office එකක. ඒ වගේ තැනක කොච්චර වෙලාවක් ඉඳල තියෙනවද? උදේ 9 ඉඳන් හවස 5-6 වෙනකල්.

🙂500_F_221186903_atNDEgq5tvCjRUQ2hkKmcBWZJhXPkHOA

සද්දයක්, වාහනයක්, මනුස්සයෙක් නැති පාරක කොච්චර දුරක් ගිහින් තියෙනවද? ගෙවල්, ගොඩනැගිලි වටේම තිබුනත් කට හඬක් වත් ඇහෙන්නේ නැති පළාතක, එක දොරක්, ජනේලයක් වත් ඇරල නැති පළාතක, පයින් ඇවිදගෙන ඇවිදගෙන කිලෝමීටර් 10ක් – 11ක්. Map එක විතරක් බලාගෙන.

🙂

වටේ ඉන්න හැමෝම වෙනම භාෂාවකින් කතා කරන තැනක ඉඳල තියෙනවද? අහන්න ඕනෙ දෙයක් අහන්න කලින් ඔයාට ඉංග්‍රීසි තේරෙනවද කියල අහන්න වෙන තැනක, කඩේකට ගියාම ඉංග්‍රීසියෙන් ලියපු කොලයක් / මෙනු එකක් ඉල්ලා ගන්න වෙන තැනක.

🙂

500_F_221187004_msDxpfQT6vVzO1Wt5gYNrXJpAubuUG57

කන්න ගන්න කෑම එකේ මොනවද තියෙන්නේ කියල දන්නේ නැතුව කාලා තියෙනව්ද? රතු පාටට තියෙනේ මිරිස්ද, තක්කාලි සෝස්ද කියලා කාලම බලන්න සිද්දවෙන තැනක. Meat කිව්වම මොන meat ද කියල කියන්න දන්නෙත් නැති, අහල දැනගන්නත් බැරි තැනක.

🙂

පැහැදිලි කිරීම :

කනිපින්දම් කියන්නේ පැමිණිල්ලක්, දුකක්, අඳෝනාවක් නෙමෙයි.නිකං චුරු චුරුවක්,

හරියටම සතියම බෝඩිමක ඉඳගෙන office හරි school හරි යන කෙනෙක් ගෙදර ගිහින් අම්මට කියන්නේ මට ආයෙ යන්න බෑ…ඒව මේවා…ඒවගේ.

නැත්නං දවසම හොඳට කලා සෙල්ලම් කරලා සතුටින් ඉන්න පොඩි ළමයෙක් හවස අම්මා ගෙදර ආවම අම්මට කරදර කරන්නේ දවසම අඬ අඬා හිටියා වගේ.

 

Image

අලුත් පැතුම් සමඟින් වාසනාවන්ත වසරක් වේවා…!

shiny_2013_card

සැන්දෑ අහසවගේ…

ලස්සන අහසක්…
සිත්තරෙකුගේ සිත්තමක්..
රන්වන් පෑ හැන්දෑවක්..
නිශාන්තයට ඇරඹුමක්..

කව්රු කොහොම කිව්වත්
කළාත්මක නිමැවුමක්…

ඔබටත් එහෙම හිතෙනවද?

ඒ අතරම
මට මෙන්න මෙහෙමත් හිතුනා…

දවසේ වෙහෙස නිවා ගන්නට
දරන වෑයමක්…
ගෙවීයන දිනයක් වෙනුවෙන්
සඟවන්නට සදන කඳුළක්…
තම විඩා සඟවමින්
අනෙකෙකු වෙත පිදෙන සිනහවක්…

අහසත් අපි වගේම නේද…

ප.ලි. – මාලනී බුලත්සිංහල සැන්දෑ අහස වගේ සැරසී එන්න කියන්නෙත් මේකටමද..

ජීවිතය…..

දුකයි, බරයි කියල හිතන හැමදාම
දුකයි…බරයි…..

සතුටුයි , සැහැල්ලුයි කියල හිතන හැමදාම
සතුටුයි…සැහැල්ලුයි…..

ජීවිතේ කියන්නෙ මම හිතන දේටමද?

මහ ගෙදර

කොළඹ උනත්, තට්ටු ගානක් උඩ උනත්, අපේ ඔෆිස් එකේ කොනක තියෙනව පොඩි පොඩි මල් පැළ ටිකක්. අපේ තට්ටුවෙ කෙලවරක කොන්ක්‍රීට් තහඩුවෙ යන්තමට රැඳුනු පස් තට්ටුවක් උඩ පොඩි බොගන්විලා පැළයකුත් තිබුනා. දවසක්දා වීදුරුවෙන් එලිය බලද්දි, බොගන්විලා අත්තකට හිරවෙල පොඩි කුරුලු කුඩුවක් තියෙන බව අපිට පෙනුනා. කුඩුවෙ පුංචි කිරිල්ලියෙකුත්  ඉන්නව, කිරිල්ලි නිතරම කුඩුවෙ ඉන්න නිසා අපි හිතුවෙ බිත්තර දාල ඇති කියල. හිතුව වගෙම පුංචි බිත්තර දෙකක්ම තියෙනව.

අපිත් පුරුදු විදියට වැඩට එනව..යනව..කිරිල්ලිත් බිත්තර රකිනව..ඔහොම ටික දවසක් යද්දි කිරිල්ලි කුඩුවෙන් ටිකක් ඈතට ගිහින් කෑම ගෙනව…ටිකක් ලං වෙලා බලද්දි පුංචි කුරුළු පැටව් දෙන්නෙක් ඉන්නව.

කට ඇරගෙන අම්ම ගේන කෑම වලට රන්ඩුව, අම්මත් පැටව් දෙන්නට කෑම කවන්න දවසපුරාම මහන්සි වෙනව. ඔහොම දවස් ගානක්ම ගෙවිල ගියා. කුරුළු අම්ම පැටවුන්ට කෑම  කවනව, අපිත් ඒ දිහා බලගෙන ඉන්නව.

සතියක් ඉවර වෙලා අපි සති අන්තය ගෙදර අයත් එක්ක සතුටින් ඉඳල, වැඩට අවා… අනේ කුරුළු කූඩුව පාළු වෙලා. කුරුළු පැටව් පියාඹල ගිහින්…..හිස්ම හිස් කුඩුව දෙක්කම දුක හිතෙනව, මහ පාළුවක් දැනනව.. අපිට මෙච්චර පාළු දැනෙනව නං කිරිල්ලිට කොච්චර පාළු ඇතිද?
මට අපේ ගෙදර මතක් උනා අපේ අම්මලත් ඔය කිරිල්ලි වගේම අපිට කවන්න පොවන්න මහන්සිවෙන්න ඇති…අපිට පියාඹන්න කියල දෙන්න ඇති. දැන් පාළුවෙන් කුඩුවට වෙලා බලාගෙන ඇති, අපි ගෙදර එනකල්…

පුංචි කුරුළු පැටව් දෙන්නත් අම්ම බලන්න අයෙ එයිද…..නිවඩු ලැබුනම?