Category Archives: Stories of Anu

කොල්ලා සහ මංකොල්ලා

අනූයි මිනූයි school යනවනේ. එයාලා අළුත් අළුත් වචන හොයාගෙන එනවා. එක දවසක් අනූයි මිනූයි පොඩි වාදයක්

අනූ: ඔය කොල්ලෙක් වගේ නංගි
මිනූ: නෑ
අනූ:ඔයා කොල්ලෙක්
මිනූ: නෑ
අනූ:ඔයා කොල්ලා
මිනූ: නෑ
අනූ: ඔයා මංකොල්ලා

😀

Advertisements

අනූ මිනූ school කතා

#1

මිනූ කැමති ලොකුවෙලා ටීචර් කෙනෙක් වෙන්නලු. එක දවසක් උදේ school යන්න අඳින ගමන් මිනූ කියනවා. තාත්තා .. මම ටීචර් කෙනෙක් උනාම බබාලට සැර කරන්නෙම නෑ. ආදරෙන්ම උගන්නනවා. කොච්චර දඟකලත් සැර කරන්නේ නෑ.

( මිනූගෙ ටීචර් සැරයි වගේ 🙂 )

#2

අනූ ගිය දෙවෙනි දවසෙ අම්මට ටයි එක දාන්න අමතක වෙලා, එදා අනූගේ පංතියේ ටීචර්ලා තුන්දෙනයි. හවස අනූ ගෙදර ආවම අම්මා ඇහුවා. “පුතේ ටීචර් මොකද ඇහුවෙ ටයි එක ගැන ?”
“අයියෝ අම්මා එයාලා ප්‍රශ්න පත්තර තුනක් වගේ දිටම අහනවා කෝ ටයි එක? කෝ ටයි එක? කෝ ටයි එක? කියලා.මට ඉතින් උත්තර දෙන්න වෙලාවක් ලැබුනේ නෑ. 🙂 ”

#3

අම්මා අනූව ගන්න හැමදාම ඉස්කෝලෙ ලඟට යනවා. මෙහෙම ගිහින් ආපහු එන ගමන් අම්මා විස්තර අහනවා අනූගෙන්.

අද මොනවද පුතේ කලේ?
සෙල්ලම් කලාද?
අකුරු ලිව්වද?
කෑම ටික කෑවද?
මේ වගේ දේවල් අහනවා.

එක දවසක් අම්මා අහනවා, පුතේ මම රස කෑමක් දැම්මා interval එකට කන්න ඔයා කෑවද?
අනූ ටිකක් කල්පනා කරල කියනවා,

“අම්මා ඒක තව පොඩ්ඩක් රස වෙන්න හදන්න බැරිද?”
අම්මටත් නිකං ඉන්න බැරිකමට කෑම හදලා දෙනවට හොඳ වැඩේ. 🙂

එයා නං හරියන්නෙ නෑ

අනූයි මිනූයි මොන්ටිසෝරි යනවනේ. අනූ ලොකු පන්තියෙ, මිනූ පොඩි පන්තියෙ.

අනූගෙ ටීචර් තමයි මනෝරි ටීචර්. මනෝරි ටීචර් ළමයින්ට හරිම ආදරෙයි. ටිකක් සද්දෙන් කතා කරලා ළමයි ටික බය කරගන්නවා තමයි, ඒත් ළමයි ටීචර්ගෙ සාරි පොටේ එල්ලිලා තමයි ඉන්නේ.

ටිකකාලෙකට පස්සේ අනූගෙ පන්තියට අලුත් ටීචර් කෙනෙක් ආවා. එයා සුරේකා ටීචර්. සතියක් දෙකක් විතර ගියා සුරේකා ටීචර් පන්තියට ඇවිත්. එක දවසක් උදේ අනූ මොන්ටිසෝරි යන්න ලෑස්තිවෙන ගමන් අම්මට කියනවා.
අනූ –     අම්මා සුරේකා ටීචර් නං හරියන්නෙ නෑ අපේ පන්තියට.
අම්මා – ඇයි පුතේ ?
අනූ –     එයා අපිට සිංහලෙන් කතා කරන්න දෙන්නේ නෑ. ඉංග්‍රීසියෙන් කතා   කරන්න කියනවා.
අම්මා – හ්ම්ම්…තව මොනවද ?
අනූ –     එයා අපිට මනෝරි ටීචර්ට මොනාත් කියන්න දෙන්නේ නෑ.
අම්මා – හ්ම්ම්…
අනූ –     එයා අපිට හරියන්නේ නෑ අම්මා….

අනූ සති දෙකෙන් තීරනයක් අරගෙන “එයා අපිට හරි යන්නේ නෑ” 🙂

නො-අයිනේ

අනූයි මිනූයි දවසක් අම්මයි තාත්තයි එක්ක ගමනක් යනවා. තාත්තා drive කරනවා, අම්මයි අනූයි මිනූයි පිටිපස්සේ සීට් එකේ.

අනූටයි මිනුටයි නිදිමත වෙලා දෙන්නටම දැන් නිදාගන්න ඕනේ. දෙන්නම සීට් එකේ අයිනේ නිදාගන්න කැමතිනෑ, දෙන්නටම ඕනේ වැටෙන පැත්තේ නිදාගන්න. අනූ මේක එක එක විදියට කියන්න try කරනවා.

අන්තිමට මෙහෙමයි නංගට කිව්වේ;

මම අයිනේ නිදාගන්නං, ඔයා නො-අයිනේ නිදාගන්න.

චුට්ට ද… පොඩ්ඩ ද…

අනූයි මිනූයි අම්මයි තාත්තයි එක්ක නිවාඩු දවසට ඇවිදින්න යනවා, සෙල්ලම් කරන තැන් වලට යනවා, සත්තු බලන්න යනවා, රැල්ල පාගන්න යනවා, එක එක තන් වල ඇවිදින්න යනවා.

මෙහෙම ගිහින් ගෙදර එන්න වෙලාව ලං වෙද්දි හැමදාම ඇහෙන්නේ අනේ තව පොඩ්ඩක් ඉඳලා යමු, තව චුට්ටයි, තව ටිකක් සෙල්ලම් කරලා එන්නං වගේ කතා.

එකදවසක් සෙල්ලම් කරලා කරලා ගෙදර යමු කිව්වම අනූ ටිකක් කල්පනා කරනවා. අම්මා ඇහුවා ඇයි පුතේ කියල.

අනූ : අම්මා පොඩ්ඩද, චුට්ටද වැඩිය ලොකු ?

අම්මට හිනා..
අනූ ලොකු එක හොයලා ඒකෙන් ඉල්ලන්නයි හදන්නේ. අනේ මෙහෙමත් කපටි කෙල්ලෝ.

අපාය තියෙන තැන

අනූ පොඩි පොඩි කතා එකතු කරල ලොකු දේවල් හිතන බබෙක්. නෑ නෑ එයා ඇවිදින කතාකරන ප්‍රශ්න වැලක් walking talking questionnaire 🙂 .

අනූ කරන්නේ එයා අහන දේවල් දකින දේවල් ඔක්කොම මතක තියා ගන්නවා. ඊට පස්සේ ගෙදර ඇවිත් ප්‍රශ්න අහනවා, අම්ම තමයි ගොඩක් වෙලාවට ප්‍රශ්න වැලට අහුවෙන්නේ.

අනූ ප්‍රශ්න අහන්නේ step by step, ප්‍රශ්නෙ මුලටික අහනවා ටික වෙලාවක් ඒක process කරනවා, ආයෙත් කෑල්ලක් අහනවා, ආයෙ කල්පනා කරනවා, එහෙමයි. සමහර දේවල් ගැන දවස් දෙක තුනකට පස්සෙ තමයි ආයෙත් අහන්නේ.

අනූගේ ප්‍රශන 1

  • අම්මා මිනිස්සු මැරුනම ආයෙත් ඉපදෙනවා කියන්නේ ඇත්තද?
  • ඉතින් එයාලා කොහොමද ආයෙ එන්නේ?
  • එයාලා ආයේ ඉන්න තැනටම එනවද?
  • ඉතින් මැරුනම වලදානවා හරි පුච්චනව හරි නේ, ඉතින් කොහොමද ආයෙත් එන්නේ?

අනූගේ ප්‍රශන 2

  • අම්මා අපාය කියලා එකක් ඇත්තටම තියෙනවද?
  • ඒක තියෙන්නේ පොලව යටද?
  • මෙතන යටත් තියෙනවද? (අම්මා නෑ කිව්වා)
  • නෑ ?
  • අපාය තියෙන්නේ පන්සලේ පොලව යට ද?

හොරා ගෙන් හොරකම් කිරීම

අනූගේ පන්තියේ යාළුවෙක්ගේ ඉන්නවා යෙනුල කියලා. එයාගෙ තාත්තා වැඩකරන්නේ පොලීසියේ. ඉතිං යෙනුල හැමදාම පන්තියෙ කියන්නේ හොරුන්ගේ කතා. අනූ මේ කතා අහගෙන ඉඳලා ගෙදර ඇවිත් අම්මට කියනවා.

අනූ: ‘අම්මා ඔයා දන්නවද හොරු කියලා කට්ටියක් ඉන්නවා.’

අම්මත් ඉතිං අහගෙන ඉන්නවා.

අම්මා: ‘ආ… ඇත්ත ද? එයාලා මොකද කරන්නේ ?’
අනූ: ‘ඔව්.. ඔව්.. ඉන්නවා. එයාලා හොරකං කරනවා.’
අම්මා: ‘ඒ කියන්නේ ?’
අනූ: ‘එයාලා අපේ ලඟ තියෙන සල්ලි ගන්නවා.’
අම්මා: ‘ඉතිං ?’
අනූ: ‘මගේ කැටේ හංගන්න ඕනේ හොරුන්ට ගන්න බැරිවෙන්න.’

අනූ දුවලා ගිහින් කැටේ හංගනවා. හංගලා ආයෙත් අම්මා ලඟට එනවා ඉතුරු ටික කියන්න.

අනූ: ‘අම්මා හොරු අපේ සල්ලි ගත්තම අපිට සල්ලි නැතිවෙනවද ?’
අම්මා: ‘ඔව්’
අනූ: ‘එතකොට අපි එයාලගෙන් හොරකං කරනවද ?’

කොහොමද අනූගෙ මොලේ, හොරුන් ගෙන් හොරකං කරන්නයි plan එක  🙂

අම්ම හෙමීට කියලා දුන්නා හොරකම් කරල නෙමෙයි හැමෝම සල්ලි හොයන්නේ, වැඩ කරලා කියලා.