අම්මට තියෙන ලෙඩේ…

මිනූ දවසක් අත්තම්මලයි ගෙදර ගියා. එහේ නැන්දගේ මල්ලි බබා ඉන්නවනේ, එයාගේ සෙල්ලං stethoscope එකක් අරගෙන මිනූ සෙල්ලම පටන් ගත්තා.

එයා doctor එක එක්කෙනා මිනූගෙන් බෙහෙත් ගන්නවා. තාත්තා ලඟට ගිහින් කැස්සට බෙහෙත් දුන්නා, අක්කට උනට බෙහෙත් දුන්නා. ඊලඟට අම්මා ලඟට ආවා. ඇවිත් stethoscope එක තියල බලල බෙහෙත් ටිකක් දුන්නා.

අම්මා : මොකද්ද පුතේ මට තියෙන ලෙඩේ?

මිනූ කල්පනා කරනවා…..

මිනූ: ඔයාට තියෙන්නේ බනින ලෙඩේ.
ඇත්ත තමයි, මුළු දවසම බනිනවනේ කරන වැඩවලට.

Advertisements

අක්කා ලොකු තරම

අනූයි මිනූයි නිතරම රණ්ඩු කරනවා, හැමදාම වගේ රණ්ඩු ඉවර වෙන්නේ ඔයා ලොකුයි මම පොඩියි වගේ කතාවකින්. අම්මා මේක අහගෙන ඉඳලා ඉඳලා බැරිම තැන දවසක් මිනූට කියනවා,

“පුතේ අක්කත් ගොඩාක් ලොකු නෑ. ඔයාට වඩා පොඩ්ඩයි ලොකු, ඔයා ආව නිසා තමයි එයා අක්කෙක් උනේ. නැත්නං එයා තාම අපේ චූටි පුතා”.

 මිනූට මේ කතාව වැඩිය හිතට ඇල්ලුවේ නෑ, ටිකක් වෙලා ඇස් දෙකත් පුංචිකරන් බලාගෙන හිටියා. ඊට පස්සේ කියනවා,

“බොරු කියන්න එපා එයා නිල් පාට ටයි එකකුත් දාගෙන ඉස්කෝලෙත් යනවා”.

කෝවිල…

අනූයි, මිනූයි, අම්මයි, තාත්තයි ගමනක් යනගමන් මඟදි අම්මා එක එක දේවල් පෙන්නනවා. අම්මා දැක්කා කෝවිලක් තියෙනවා, අර බලන්න පුතේ කෝවිලක් අම්මා මිනූට කිව්වා.

මිනූ: කෝ… විලක්

අම්මා: විලක් නෙමෙයි පුතේ, කෝවිලක්.

මිනූ: කෝ… විලක්

අම්මා: ඒක කෝවිලක්. අපි පන්සල් යනව වගේ හින්දු අය කෝවිල් යනවා.

මිනූ: කෝ ඉතින් විලක්

මිනූ හොඳටම දන්නවා අම්මා මොකද්ද කියන්නේ කියලා. මේ හොර කෙල්ල…

ජොන්සන් ගේ කතා

මිනූ school යන පාරේ ඇලක් තියෙනවා, ඇලක් කිව්වට මේක ටිකක් ලොකුයි, ටිකක් ලොකු කුනු ඇලක්. මේ ඇලේ ඉන්නවා කිඹුලෙක්. ඉන්නවා කිව්වට මිනූ දැකල නෑ, අම්මා තමයි දවසක් දැකල ඇවිත් මිනූට කිව්වේ. එදා ඉඳලා මිනූ ඇල දැකපු ගමන්ම කිඹුල ගැන තමයි කතාව. මිනූ කිඹුලට නමකුත් දැම්මා “ජොන්සන්” අනූ කිඹුලට surname එකක් දැම්මා “විජේසේකර” (අනූගෙ class එකේ යාළුවෙකුගෙ surname එකක්).

දැන් ඉතිං ජොන්සන් විජේසේකර ගැන කතා ගොඩයි. ජොන්සන්ට අම්ම කෙනෙක් ඉන්නවා, ජොන්සන්ගෙ පුතා school යනවා, ජොන්සන් අද උදේට කෑවේ මේවා, ඔය වගේ කතා ගොඩායි. මිනූට ජොන්සන් ගැන ප්‍රශ්ණත් ගොඩයි.

මුලින්ම පොඩි පොඩි ප්‍රශ්න:
අම්මා ජොන්සන්ගෙ ගෙදර තියෙන්නෙ කොහෙද?
අම්මා ජොන්සන් නිදා ගන්නේ කොහෙද?

ඊට පස්සේ analyse කරනවා:
ජොන්සන් පීනනවද?
එයාට මාළුන්ට වගේ වරලක් නැහැනේ
එයා වතුරෙමද ඉන්නේ ගොඩටත් එනවද?

අළුත්ම ප්‍රශ්නේ තමයි:
අම්මා ජොන්සන්ට දාඩිය දැම්මම එයාගේ අම්මා එයාට පවන් ගහන්නේ කොහොමද?

ඇත්ත තමයි කොහොමද වතුර ඇතුලෙ පවන් ගහන්නේ 🙂

අනූගේ Life Cycle එක

අනූ කියන විදියට Life Cycle එක මෙහෙමයි

දැන් මම grade 1 නෙ
ඊට පස්සේ grade 2
ඊට පස්සේ grade 3
.
.
.
ඊට පස්සේ grade 13
ඊට පස්සේ කැම්පස්
ඊට පස්සේ ජොබ්
ඊට පස්සේ මැරෙනව

Image result for life cycle

හරිම සරලයි 😀

කැස්ස පැණිය

මිනූයි අම්මයි උදේම ගියා මිනූට බෙහෙත් ගන්න. මිනූ ඉතින් නිතරම ලෙඩක් නේ. ගිහින් එනගමන් අම්මාට කැස්සක් ආවා, ඉතිං අම්මා මිනූට කියනවා.

අම්මා: පුතේ ගෙදර ගියාම මට කැස්ස පැණි ටිකක් බොන්න මතක් කරන්න.
මිනූ    :හා.. ඒවා බොන්නේ කැස්සටද?
අම්මා: ඔව්
මිනූ    :කැස්ස වැඩි වෙන්නද? අඩු වෙන්නද?
අම්මා:කෙල්ල….දැන් නං හොඳටම ගානට වැඩියි….
මිනූ    :ඉතිං මම ඇහුව විතරනේ බෙහෙත් පෙව්වේ නැහනේ

ඔන්න ඔහොමයි චූටි මිනූගෙ කතා.

මිනූගේ යකා photo එක

මිනූ දවසක් නින්දෙන් ඇඳෙන් බිමට පෙරළුනා. ඒ වෙලාවේ පොඩ්ඩක් කෙඳිරිගාලා ඊට පස්සේ හොඳට නිදාගත්තා. ඊට පස්සේ දවසෙත් උදේ හොඳට හිටියා, ටිකක් දවල් වෙද්දි මිනූගෙ සද්දෙ ටික ටික අඩු උනා, දැඟලිල්ලත් අඩුයි. අත රිදෙනව කියල අත හොල්ලන්නෙත් නෑ, වඩාගන්න දෙන්නෙත් නෑ. දැන් නං අම්මයි තාත්තයි දෙන්නත් බය උනා. ඇයි ඉතිං මිනූ එහෙම ලේසියෙන් එකතැනක ඉන්න ළමයෙක් නෙමෙයිනේ. හවස් වෙද්දි අම්මයි තාත්තයි මිනූවත් උස්සගෙන doctor uncle බලන්න ගියා.

Doctor uncle මිනූව බලලා x-ray එකක් ගන්න කිව්වා. මිනූ කලින් x-ray එකක් අරගෙනමනෑ, මිනූ විතරක් නෙමෙයි මිනූගෙ අම්ම අරගෙනත් නෑ 🙂  දැන් අම්මයි තාත්තයි මිනූයි යනවා x-ray එකක් ගන්න, යන ගමන් මිනූ අහනවා

මිනූ     : කොහේද අම්මේ අපි යන්නේRelated imageඅම්මා : අපි ඔයාගේ x-ray එකක් ගන්න යන්වා
මිනූ     :ඒ කිව්වේ
අම්මා :ඒක photo එකක් වගේ
මිනූ     :හා

මිනූ කැමතියි photo ගන්න, ඒ නිසා හරි සතුටින් ගියා. හොඳට x-ray එක ගන්න හොඳට හිටියා. පොඩ්ඩක් වෙලායද්දි x-ray එක ගත්තු මාමා report එක ගෙනත් දුන්නා. අම්මයි තාත්තයි කලබලේට මේක ඇරල බලනව ( බයවෙලානේ ඉන්නේ ).

මිනූත් ඔළුව දාලා බැලුවා, ආයෙත් හොඳට බැලුවා, බලලා අහනවා
මිනූ         : මේ මම ද?
තාත්තා  :ඔව්
මිනූ         : මම යකෙක් ද?
අම්මටයි තාත්තටයි හොඳටම හිනා.