Tag Archives: අනූ

ජොන්සන් ගේ කතා

මිනූ school යන පාරේ ඇලක් තියෙනවා, ඇලක් කිව්වට මේක ටිකක් ලොකුයි, ටිකක් ලොකු කුනු ඇලක්. මේ ඇලේ ඉන්නවා කිඹුලෙක්. ඉන්නවා කිව්වට මිනූ දැකල නෑ, අම්මා තමයි දවසක් දැකල ඇවිත් මිනූට කිව්වේ. එදා ඉඳලා මිනූ ඇල දැකපු ගමන්ම කිඹුල ගැන තමයි කතාව. මිනූ කිඹුලට නමකුත් දැම්මා “ජොන්සන්” අනූ කිඹුලට surname එකක් දැම්මා “විජේසේකර” (අනූගෙ class එකේ යාළුවෙකුගෙ surname එකක්).

දැන් ඉතිං ජොන්සන් විජේසේකර ගැන කතා ගොඩයි. ජොන්සන්ට අම්ම කෙනෙක් ඉන්නවා, ජොන්සන්ගෙ පුතා school යනවා, ජොන්සන් අද උදේට කෑවේ මේවා, ඔය වගේ කතා ගොඩායි. මිනූට ජොන්සන් ගැන ප්‍රශ්ණත් ගොඩයි.

මුලින්ම පොඩි පොඩි ප්‍රශ්න:
අම්මා ජොන්සන්ගෙ ගෙදර තියෙන්නෙ කොහෙද?
අම්මා ජොන්සන් නිදා ගන්නේ කොහෙද?

ඊට පස්සේ analyse කරනවා:
ජොන්සන් පීනනවද?
එයාට මාළුන්ට වගේ වරලක් නැහැනේ
එයා වතුරෙමද ඉන්නේ ගොඩටත් එනවද?

අළුත්ම ප්‍රශ්නේ තමයි:
අම්මා ජොන්සන්ට දාඩිය දැම්මම එයාගේ අම්මා එයාට පවන් ගහන්නේ කොහොමද?

ඇත්ත තමයි කොහොමද වතුර ඇතුලෙ පවන් ගහන්නේ 🙂

Advertisements

අනූගේ Life Cycle එක

අනූ කියන විදියට Life Cycle එක මෙහෙමයි

දැන් මම grade 1 නෙ
ඊට පස්සේ grade 2
ඊට පස්සේ grade 3
.
.
.
ඊට පස්සේ grade 13
ඊට පස්සේ කැම්පස්
ඊට පස්සේ ජොබ්
ඊට පස්සේ මැරෙනව

Image result for life cycle

හරිම සරලයි 😀

සාදුලාට යන්න පාරක්

අනූයි මිනූයි අම්මම්මලයි ගෙදර ගිහින්, අම්මම්මා ගෙදර ඉස්සරහ තියෙන Veranda එක සෝදලා. දැන් දෙන්නටම ඉවසිල්ලක් නෑ මේ වතුර ගොඩට පැනගන්න.

අම්මම්මා සද්දයක් දාලා පොඩ්ඩක් බය කරගෙන තමයි මේ දෙන්නා වතුරට යන්න නොදී තියාගන්න්නේ. දැන් මේ දෙන්නට මෙතනට යන්නම ඕනෙ නිසා අම්මම්මා ගේ ඇතුලෙන් පරන රෙදි කෑලි ටිකක් ගෙනත් වතුර පාගන්නේ නැතුව යන්න පුලුවන් විදියට Veranda එක දිගට දැම්මා. අනූ හොඳට බලාගෙන හිටියා, ඊට පස්සේ අහනවා

“අම්මම්මා සාදුලාට යන්න පාරක් හදනවද?”

අනූගෙ හිතුවේ අම්මම්මා පාවාඩ එලනව කියලා.

තොත්ත බබා

අනූගෙයි මිනුගෙයි අම්මා එයාලගෙ තාත්තට කත කරන්නේ බබා කියලා. ඉතින් අනූට මේක අලුත් දෙයක් නෙමෙයි, ඒත් එක දවසක් අනූට තදවෙලා ඉන්න වෙලාවක අම්මා තාත්තට බබා කියල කතා කලා. මේකට අනූට තරහ ගියා.

අනූ අම්මගෙන් අහනවා, ඇයි ඔයා තාත්තට බබා කියන්නේ එයා පොඩි

credential_baby

බබෙක් ද?

අම්මා – ඔව් අනේ එයා තාම බබෙක් වගේ වැඩ කරන්නේ, කෑම අඳුමෙ හලා ගන්නවා,

වතුර බිම හලනවා, කෑම පෙට්ටිය office එකේ අමතක කරල එනවා…

අනූ ගියා තාත්තා ලඟට, ගිහින් කියනවා

අනූ – ඔයා නං තොත්ත බබෙක්

අම්මා ඔයාට ඇත්තටම ආදරෙයි

සෙනසුරාදා දවසක අනුයි මිනුයි තාත්තයි හොන්ඳටම වැඩ, උඩ නගිනවා, ඇන ගහනවා වැඩ ගොඩයි. ටික වෙලාවකින් බලද්දී තාත්තා පුටුඇන්ද උඩ හිටගෙන, මේක දැක්කම අම්මට හොඳටම තරහයි. ඇයි ඉතින් වැටිලා අත පය කඩා ගත්තොත්. අම්මා කේන්තියෙන්ම ඇවිත් දුන්නා තාත්තගේ පස්සට එකක්.

මේක අනූ දැක්කා, අනූගෙ මූන නරක් උනා, දඩ බඩ ගාල අම්මා ලඟට දුවගෙන ආවා. ආව විදියට අම්මට තේරුනා මොකද කලබලේ කියලා. අම්මා අනූට කියනවා

“බලන්න පුතේ තාත්ත කරන වැඩ, ඔතනින් වැටුන නං එයාට තුවාල වෙනවනේ”. අනූ ටිකක් කල්පනා කලා.

හෙමින් හෙමින් තාත්තා ලඟට ගියා, ගිහින් කියනවා “තාත්තේ, අම්මා ඔයාට ඇත්තටම ආදරෙයි”

කොල්ලා සහ මංකොල්ලා

අනූයි මිනූයි school යනවනේ. එයාලා අළුත් අළුත් වචන හොයාගෙන එනවා. එක දවසක් අනූයි මිනූයි පොඩි වාදයක්

අනූ: ඔය කොල්ලෙක් වගේ නංගි
මිනූ: නෑ
අනූ:ඔයා කොල්ලෙක්
මිනූ: නෑ
අනූ:ඔයා කොල්ලා
මිනූ: නෑ
අනූ: ඔයා මංකොල්ලා

😀

අනූ මිනූ school කතා

#1

මිනූ කැමති ලොකුවෙලා ටීචර් කෙනෙක් වෙන්නලු. එක දවසක් උදේ school යන්න අඳින ගමන් මිනූ කියනවා. තාත්තා .. මම ටීචර් කෙනෙක් උනාම බබාලට සැර කරන්නෙම නෑ. ආදරෙන්ම උගන්නනවා. කොච්චර දඟකලත් සැර කරන්නේ නෑ.

( මිනූගෙ ටීචර් සැරයි වගේ 🙂 )

#2

අනූ ගිය දෙවෙනි දවසෙ අම්මට ටයි එක දාන්න අමතක වෙලා, එදා අනූගේ පංතියේ ටීචර්ලා තුන්දෙනයි. හවස අනූ ගෙදර ආවම අම්මා ඇහුවා. “පුතේ ටීචර් මොකද ඇහුවෙ ටයි එක ගැන ?”
“අයියෝ අම්මා එයාලා ප්‍රශ්න පත්තර තුනක් වගේ දිටම අහනවා කෝ ටයි එක? කෝ ටයි එක? කෝ ටයි එක? කියලා.මට ඉතින් උත්තර දෙන්න වෙලාවක් ලැබුනේ නෑ. 🙂 ”

#3

අම්මා අනූව ගන්න හැමදාම ඉස්කෝලෙ ලඟට යනවා. මෙහෙම ගිහින් ආපහු එන ගමන් අම්මා විස්තර අහනවා අනූගෙන්.

අද මොනවද පුතේ කලේ?
සෙල්ලම් කලාද?
අකුරු ලිව්වද?
කෑම ටික කෑවද?
මේ වගේ දේවල් අහනවා.

එක දවසක් අම්මා අහනවා, පුතේ මම රස කෑමක් දැම්මා interval එකට කන්න ඔයා කෑවද?
අනූ ටිකක් කල්පනා කරල කියනවා,

“අම්මා ඒක තව පොඩ්ඩක් රස වෙන්න හදන්න බැරිද?”
අම්මටත් නිකං ඉන්න බැරිකමට කෑම හදලා දෙනවට හොඳ වැඩේ. 🙂